മാർക്കറ്റിംഗിൽ പുതു വഴികൾ നിർമ്മിച്ച് യുവാക്കളുടെ സ്റ്റാർട്ടപ്പ് :Conspace
ആഗോള വിപണിയിൽ ഇന്ത്യൻ സ്റ്റാർട്ടപ്പുകൾ തങ്ങളുടെ മുദ്ര പതിപ്പിച്ചുകൊണ്ടിരിക്കുന്ന കാലഘട്ടത്തിൽ, കേരളത്തിൽ നിന്നും ശ്രദ്ധേയമായ ഒരു സംരംഭകത്വ മാതൃക സൃഷ്ടിച്ചിരിക്കുകയാണ് Conspace എന്ന ഡിജിറ്റൽ മാർക്കറ്റിങ് ഏജൻസി. ഇരുപതുകാരനായ ജാസിം നാസറും ഇരുപത്തിയൊന്നുകാരനായ മുഹമ്മദ് അസ്‌ലമും ചേർന്ന് ആരംഭിച്ച ഈ സ്റ്റാർട്ടപ്പ്, ആറു മാസം കൊണ്ട് അന്താരാഷ്ട്ര തലത്തിലേക്ക് വളർന്നിരിക്കുന്നു.
സ്വപ്നത്തിൽ നിന്ന് യാഥാർത്ഥ്യത്തിലേക്ക്
കോഴിക്കോട്ടെ ഹാരിസ് ആൻഡ് കോയിൽ ക്രിയേറ്റീവ് ഡിസൈനിങ് പഠിച്ചുകൊണ്ടിരിക്കെയാണ് ഈ രണ്ട് യുവാക്കളിൽ സ്വന്തമായി ഒരു മാർക്കറ്റിങ് ഏജൻസി തുടങ്ങണമെന്ന ആശയം ഉദിച്ചത്. ബാംഗ്ലൂർ യൂണിവേഴ്സിറ്റിയിൽ നിന്ന് BCA യും എഞ്ചിനീയറിങ്ങും പഠനം പൂർത്തിയാക്കാതെ പിന്മാറിയ ഇവർ, തങ്ങളുടെ സർഗാത്മക കഴിവുകളെ ബിസിനസ് മേഖലയിൽ പ്രയോജനപ്പെടുത്താൻ തീരുമാനിച്ചു.
വൈവിധ്യ സേവനങ്ങളുടെ കേന്ദ്രം
Conspace വ്യത്യസ്തമാകുന്നത് അതിന്റെ വൈവിധ്യ സേവന സമീപനത്തിലൂടെയാണ്. ഒരു ബിസിനസിന് വളർച്ചയ്ക്കാവശ്യമായ എല്ലാ ഡിജിറ്റൽ സേവനങ്ങളും – മാർക്കറ്റിങ്, ഡിസൈനിങ്, മീഡിയ പ്രൊഡക്ഷൻ – ഒരു കുടക്കീഴിൽ ലഭ്യമാക്കുന്നു. മാസാന്ത പാക്കേജുകൾ അവതരിപ്പിച്ചു കൊണ്ടാണ് ഇത്തരം സർവീസുകൾ നൽകുന്നത്.ബജറ്റ് സൗഹൃദ നിരക്കുകളിൽ ഉയർന്ന നിലവാരമുള്ള സേവനങ്ങൾ നൽകുക എന്നതാണ് കമ്പനിയുടെ പ്രധാന ലക്ഷ്യം.
ആഗോള വിപണിയിലേക്ക്
ആരംഭിച്ച് ആറുമാസത്തിനുള്ളിൽ തന്നെ ഇന്ത്യയ്ക്ക് പുറമേ ജി.സി.സി രാജ്യങ്ങൾ, യൂറോപ്പ്, അമേരിക്ക എന്നിവിടങ്ങളിൽ നിന്നും ക്ലയന്റുകളെ നേടിയെടുക്കാൻ Conspase-ന് സാധിച്ചു. ഫൗണ്ടർമാരും നാല് ക്രിയേറ്റീവ് സ്റ്റാഫുകളും അടങ്ങുന്ന ചെറിയ ടീം, ഉയർന്ന നിലവാരമുള്ള ക്രിയേറ്റീവ് ഔട്ട്പുട്ടുകൾ നൽകുന്നതിലൂടെ അന്താരാഷ്ട്ര വിപണിയിൽ തങ്ങളുടെ സ്ഥാനം ഉറപ്പിച്ചിരിക്കുകയാണ്
പുതിയ ചുവടുവെപ്പുകൾ
കഴിഞ്ഞയാഴ്ച Constudio എന്ന പേരിൽ പുതിയൊരു മീഡിയ പ്രൊഡക്ഷൻ ഹബ് ആരംഭിച്ചതോടെ കമ്പനി അതിന്റെ സേവന മേഖല വിപുലീകരിച്ചിരിക്കുകയാണ് . 2025 മാർച്ചോടെ കേരളത്തിലെ കോഴിക്കോട് അല്ലെങ്കിൽ എറണാകുളത്ത് സ്വന്തമായി ഹെഡ് ഓഫീസ് സ്ഥാപിക്കാനുള്ള പദ്ധതികളും കമ്പനിക്കുണ്ട്.
യുവ സംരംഭകത്വത്തിന്റെ പ്രതീക്ഷ
ഇരുപത് വയസ്സുകാരനായ ജാസിം നാസറും ഇരുപത്തിയൊന്നുകാരനായ മുഹമ്മദ് അസ്‌ലമും തെളിയിക്കുന്നത് പ്രായം വെറും സംഖ്യ മാത്രമാണെന്നാണ്. വിദ്യാഭ്യാസ പശ്ചാത്തലത്തിലെ പരിമിതികളെ മറികടന്ന്, തങ്ങളുടെ സർഗാത്മക കഴിവുകളെയും ബിസിനസ് കാഴ്ചപ്പാടിനെയും മുൻനിർത്തി വിജയം കൈവരിച്ചിരിക്കുന്നു. കേരളത്തിലെ യുവ സംരംഭകർക്ക് Conspace ഒരു പ്രചോദനമാണ്.
