റെയിൽ യാത്രകളിലെ ഭക്ഷണ പ്രതിസന്ധി മറികടക്കാൻ നവീന സംരംഭവുമായി ചെറുപ്പക്കാർ : Rail Rolls
ഇന്ത്യൻ റെയിൽവേ യാത്രക്കാർ എക്കാലവും നേരിടുന്ന ഏറ്റവും വലിയ വെല്ലുവിളികളിലൊന്നാണ് ഗുണനിലവാരമുള്ള ഭക്ഷണത്തിന്റെ ലഭ്യതക്കുറവ്. ദീർഘദൂര യാത്രകളിൽ പലപ്പോഴും വീട്ടിൽ നിന്ന് ഭക്ഷണം കരുതേണ്ട അവസ്ഥയാണ് പലർക്കും. പ്ലാറ്റ്ഫോമിലെ കച്ചവടക്കാരിൽ നിന്നോ ചെയിൻ പുൾമാൻ കോച്ചുകളിൽ നിന്നോ ലഭിക്കുന്ന ഭക്ഷണത്തിന്റെ ഗുണനിലവാരവും ശുചിത്വവും വലിയ ആശങ്കയുണ്ടാക്കുന്നു. ഈ പ്രശ്നത്തിന് ശാസ്ത്രീയവും ആധുനികവുമായ പരിഹാരവുമായി രംഗത്തെത്തിയിരിക്കുകയാണ് ‘റെയിൽ റോൾസ്’ എന്ന സ്റ്റാർട്ടപ്പ്.
ആശയത്തിന്റെ പിറവി
ബാംഗ്ലൂരിൽ നിന്നും കേരളത്തിലേക്കുള്ള നിരന്തര യാത്രകൾക്കിടയിൽ, പഠനകാലത്ത് ഷിബിൻ കെ നേരിട്ടനുഭവിച്ച പ്രശ്നങ്ങളാണ് റെയിൽ റോൾസ് എന്ന ആശയത്തിലേക്ക് നയിച്ചത്. ടൗണിൽ നിന്ന് ചിക്കൻ റോൾസ് വാങ്ങി യാത്ര ചെയ്യുന്ന രീതിയായിരുന്നു അദ്ദേഹം സ്വീകരിച്ചിരുന്നത്. ഈ അനുഭവം, റെയിൽവേ യാത്രക്കാർക്ക് ശുചിത്വമുള്ളതും രുചികരവുമായ ഭക്ഷണം ലഭ്യമാക്കണമെന്ന ആശയത്തിലേക്ക് നയിച്ചു. ഇതിനായി അദ്ദേഹം വിവിധ മേഖലകളിൽ നിന്നുള്ള തന്റെ സുഹൃത്തുക്കളെ ഉൾപ്പെടുത്തി ഒരു ടീം രൂപീകരിച്ചു.
പ്രവർത്തന രീതിയും സേവനങ്ങളും
റെയിൽ റോൾസ് റെയിൽവേ സ്റ്റേഷനുകളിലും ബസ് സ്റ്റാൻഡുകളിലും ആധുനിക രീതിയിലുള്ള ഔട്ട്‌ലെറ്റുകൾ സ്ഥാപിക്കുന്നു. പരമ്പരാഗത രുചികളെ ആധുനിക രീതിയിൽ അവതരിപ്പിക്കുന്ന വിവിധതരം റോൾസും പ്രകൃതിദത്തമായ ഉൽപ്പന്നങ്ങളും ഇവിടെ ലഭ്യമാകും. വെജിറ്റേറിയൻ, നോൺ വെജിറ്റേറിയൻ ഓപ്ഷനുകൾ ഉൾപ്പെടുത്തിയിട്ടുണ്ട്. സ്വിഗ്ഗി, സൊമാറ്റോ പ്ലാറ്റ്ഫോമുകളുമായി സഹകരിച്ച് PNR നമ്പർ അടിസ്ഥാനമാക്കി യാത്രക്കാരുടെ സീറ്റിലേക്ക് നേരിട്ട് ഭക്ഷണം എത്തിക്കുന്ന സംവിധാനവും ഏർപ്പെടുത്തിയിട്ടുണ്ട്.നിലവിൽ എറണാകുളം സൗത്ത് റെയിൽവേ സ്റ്റേഷന്റെ മുമ്പിൽ ഒരു ഔട്ട്ലെറ്റ് പ്രവർത്തിക്കുന്നുണ്ട്
ഗുണനിലവാരവും പരിസ്ഥിതി സംരക്ഷണവും
FSSAI മാനദണ്ഡങ്ങൾ കർശനമായി പാലിച്ചുകൊണ്ടാണ് റെയിൽ റോൾസിന്റെ പ്രവർത്തനം. ആധുനിക അടുക്കള ഉപകരണങ്ങളും പരിശീലനം സിദ്ധിച്ച ജീവനക്കാരും ശാസ്ത്രീയമായ സംഭരണ രീതികളും ഉറപ്പാക്കുന്നു. പരിസ്ഥിതി സംരക്ഷണത്തിന് പ്രാധാന്യം നൽകി ജൈവ വിഘടനം സാധ്യമായ പാക്കേജിംഗ് മെറ്റീരിയലുകൾ ഉപയോഗിക്കുന്നുണ്ട്
മികച്ച നേതൃത്വം
പാലക്കാട്,മണ്ണാർക്കാട് സ്വദേശികളായ അഞ്ച് സുഹൃത്തുക്കളാണ് റെയിൽ റോൾസിന് നേതൃത്വം നൽകുന്നത്. വിവിധ മേഖലകളിൽ കഴിവു തെളിയിച്ച ഈ ചെറുപ്പക്കാരുടെ പ്രവർത്തനമാണ് ഈ സംരംഭത്തെ മുന്നോട്ടു കൊണ്ടുപോകുന്നത്
• ഷിബിൻ കെ – ചീഫ് എക്സിക്യൂട്ടീവ് ഓഫീസർ (CEO)
• മുഹമ്മദ് സൻജിദ് കെ വി – ചീഫ് ഓപ്പറേറ്റിംഗ് ഓഫീസർ (COO)
• ഷിജാഹ് കെ പി എസ് – ചീഫ് ടെക്നോളജി ഓഫീസർ (CTO)
• സഫ്‌വാൻ – ചീഫ് ഫിനാൻഷ്യൽ ഓഫീസർ (CFO)
• നസീം ഉമർ – റിസർച്ച് & ഡെവലപ്മെന്റ് ഡയറക്ടർ (R&D Director)
ഭാവി പദ്ധതികൾ
റെയിൽ റോൾസ് അടുത്ത ഘട്ടത്തിൽ പ്രധാന റെയിൽവേ സ്റ്റേഷനുകളിലേക്കും ബസ് ടെർമിനലുകളിലേക്കും വ്യാപിപ്പിക്കാൻ പദ്ധതിയിടുന്നുണ്ട്.ഇന്ത്യൻ റെയിൽവേ യാത്രക്കാരുടെ ഭക്ഷണ അനുഭവത്തെ സമൂലമായി മാറ്റിമറിക്കാൻ ലക്ഷ്യമിടുകയാണ് റെയിൽ റോൾസ്, നൂതന സാങ്കേതിക വിദ്യയും ഗുണനിലവാര നിയന്ത്രണവും കൊണ്ടുവരുന്നതിലൂടെ യാത്രക്കാർക്ക് സുരക്ഷിതവും ആരോഗ്യകരവുമായ ഭക്ഷണം ഉറപ്പാക്കുന്നു
